"වඩිවේල්" ගිණිගනියිද ?

දිනය 2015/12/19 වන සිකුරාදායි...එතරම්ම වැඩක් නොතිබුණ නිසා,කම්මැලිකම යන්නත් එක්ක කතාන්දරයක් අහන්න ඕනය කියල ස්වර්ණවාහිනී ලයිව්@8 බලන්න කියල ඕන් ඉදගත්තා...මම ඉදගන්නකොට සිරස්තල කියල ඉවරයි...ජනාධිපතිතුමා ගැන ප්‍රවෘත්තියක අන්තිම හරිය ගියේ....

ඔන්න ඒක ඉවර වෙලා නිවේදකයා  ඇදල පැදල පෝර දාල “මන්ත්‍රී කෙනෙක් ගිණි තියාගන්නවා ය කියල පාර්ලිමේන්තුවේ දි කල කතාවක්" ගැන නිව්ස් එකක් ගියා.

ටිකක් ඉන්ටරස්ටින් නිසා ඔන්න ඇස් දෙකත් ටොම්බා සයිස් කරගෙන මාත් දැන් මේක බලනවා,

"තේ වතුවල වැඩකරන වතු කම්කරුවන්ගෙ පඩිය 1000ක් කරේ නැත්තම්,මම හෙට ගිණි තියාගන්නවා ය " කියල තව කතා ගොඩකුත් එක්ක කැඩිච්ච දෙමළෙන් කියල කිව්වා.....

ඔහුගේ නම "වඩිවේල් සුරේෂ්" කියලත් ඔහු එ.ජා.ප මන්ත්‍රී කෙනෙක් ය කියලත් යටින් දාල තිබ්බා..

මන් මට හිතුන දේ මෙතන කියන් නැතිව අන්තිමටම කියන්නම්....

ඊට කළින් බලමු,

කවුද මේ "වඩිවේල් සුරේෂ්" ? කියල

ඔහු මෙවර බදුල්ල දිස්ත්‍රික්කයෙන් එ.ජා.පක්ෂය නියෝජනය කරමින්  පාර්ලිමේන්තුවට ආපු මැම්බර්  කෙනෙකි .

මීට පෙර සන්ධානය නියෝජනය කරමින් පළාත් සභාවේ  සිටි කෙනෙක් වන අතර වතුකරයේ ජන්ද පදනමක් සදාගෙන සිටියි.

ඔන්න ඉතින් මෙයා ගැන චූට්ටක්  හොයපු මම , ඊළග දවස වෙනකම් හිටියෙ මනුස්සයා ගිණි තියාගන්නවාද බලන්න...

...........

හිතුවා  හරි ය ,

මැම්බර්තුමා ගිණි තියාගන්න පෙට්‍රල් අරන් එද්දි කීපදෙනෙක් ඇවිල්ල ඒක කරන්න එපා කියන අතරෙ, පොලීසියෙන් කෑන් ඇතුළට ගෙනියන්න දුන්නේ ද නැත....

දැන් ඇයි මොහු ගිණි තියාගන්න හදන්නෙ?

සරලවම වචන දෙකෙන් කියනවා නම්, "ප්‍රසිද්ධ වෙන්න " ය.

මෙවැනි ප්‍රකාශයක් කරාම වතු කම්කරුවන්ගේ වීරයා මොහුය මොහු කොළඹ සිට තමන්ගේ ආසනයට ගොඩබසින විට මල්මාලා දමා කරමතින් පිළිගන්නවා සිකුරු ය.වැඩේ හරි ගියහොත් ඊළග පාරත් පාර්ලිමේන්තු මැම්බර් කම ෂුවර් ය. ඕනෑම මැම්බර් කෙනෙකුගේ පරම පිවිතුරු අදහස වන්නේ නැවතත් පාර්ලිමේන්තු පැමිණීම ය. ඒ සදහා නොකරන දෙයක් නැති තරම් ය. ඒ නිසා මෙවනි ගැලරි පිනවන ප්‍රකාශ ගැන ඕනෑවට වඩා සංවේදී විය යුතුද?

දැන් සාමාන්‍ය මිනිහට නැගෙන ප්‍රශ්නයක් තමා,

"ඉල්ලීම ඉටුනොවුනා නම් මොහුට ගිණිතියාගන්න වෙනවා නෙ " කියන එක....

එයට උත්තරය නම්,නිසැකවම ඉල්ලීම ඉටුවෙනවා යන්නයි...

මම කොහොමද එහෙම කියන්නෙ?

කෙටියෙන්ම කියනවා නම් මොහු යූ.ඇන්.පී මන්ත්‍රීය අයවැය ද මොවුන්ගේය...එය හදන්නේද සංශෝධනය කරන්නේ ද  ඔවුන්මය..ඉතින් මොහු නායකතුමාගෙන් මීට පෙර  ඉල්ලීමක් කරන්නට ඇතැයි පහසුවෙන්ම නිගමනය කළ හැක.

එයට යන්තම් හෝ යහපත් ප්‍රතිචාරයක් ලැබුණු නිසා මොහු මෙවැනි නාටකයක් රග දක්වන්නට ඇතැයි සිතිය හැක.

අවසානයේ ඔහු මාධ්‍ය සාකච්චාවක් පවත්වා කීවේ, තම ඉල්ලීමට අගමැතිතුමා යහපත් ප්‍රතිචාර දැක්වූ බවයි. උඩින් ඔහු මෙසේ පැවසුවත් සැබවින්ම මෙය තිරපිටපතකට අනුව රගදැක්වූවකි.

නමුත් මැම්බර් තුමාගේ කපටිකම් ගැන  කිසිවක් නොදන්නා වතුකරයේ ජනයා මොහු ඊළඟ ජන්දයකදීත් උඩින්ම පත්කර එවනු ඇත.